• E hënë – e premte, 7:30 – 13:30
Na ndiqni:
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.

Paralelet

Paralelet

Përveç shkollës qendrore në Kondovë, Medreseja “Isa Beu” punon me katër paralele të shtrira: tri për vajza, në Shkup, Tetovë dhe Gostivar, dhe një për djem në Shtip. Kështu shkolla mbulon gjithë territorin e Republikës së Maqedonisë së Veriut.

Numri i nxënësve dhe gjeneratat i referohen vitit shkollor 2012/13.

Qendra, Kondovë

djem
Që nga
1984/85
Nxënës
183
Klasa
8
Profesorë
27
Konvikt
214 vende

Në shkollën qendrore mësimi zhvillohet vetëm për djem. Nxënësit jetojnë në konvikt, me kapacitet prej 214 vendesh.

Mësimin e ndjekin 183 nxënës nga të gjitha trojet e Maqedonisë dhe nga jashtë, në katër vite me tetë klasa. Plan-programin e realizojnë 27 profesorë, duke përfshirë drejtorin, zëvendësdrejtorin, sekretarin dhe bibliotekistin. Në vitin shkollor 2012/13 medreseja nxori gjeneratën e 26-të.

Shkup

vajza
Që nga
2006/07
Nxënëse
190
Objekti
Kapan-Ani

Me vendim të Bashkësisë Fetare Islame, në vitin shkollor 2006/07 hapet paralelja e vajzave me mësim të rregullt në Shkup. Për shkak të hapësirës së kufizuar, edhe pse interesimi ishte i madh, në fillim pranohej vetëm një klasë në vit.

Nga viti shkollor 2009/10, duke parë interesimin e madh të kandidateve, Bashkësia Fetare Islame filloi të pranojë dy klasa në vitin e parë. Kështu numri i përgjithshëm në katër vitet arriti në 190 nxënëse. Mësimi zhvillohet në objektin e Kapan-Anit, dhe pritet që në të ardhmen edhe kjo paralele, si ajo në Tetovë, të ketë një objekt të ri. Në vitin shkollor 2012/13 paralelja nxori gjeneratën e katërt të maturanteve.

Tetovë

vajza
Që nga
2004/05
Nxënëse
176
Objekt i ri
2009

Edukimi i vajzave zë një vend të rëndësishëm në Medresenë “Isa Beu”. Në fillim ato ishin të përfshira si nxënëse me korrespondencë. Kur u krijuan kushtet, Bashkësia Fetare Islame e realizoi këtë nismë edhe në praktikë: në vitin shkollor 2004/05 hapet paralelja e vajzave me mësim të rregullt në Tetovë.

Gjenerata e parë diplomoi në vitin shkollor 2007/08, ndërsa në 2012/13 paralelja nxori gjeneratën e gjashtë. Numri i përgjithshëm i vajzave me mësim të rregullt këtu arrin në 176 nxënëse.

Në vitin shkollor 2007/08 u vu gurthemeli i objektit të ri, sepse objekti i mëparshëm nuk i plotësonte kushtet për një proces mësimor të mirëfilltë. Nxënëset e nisën vitin shkollor 2009/10 në objektin e ri, i cili u hap solemnisht më 31 tetor 2009.

Gostivar

vajza
Që nga
2008/09
Nxënëse
132
Në vitin e parë
20 nxënëse

Në vitin shkollor 2008/09 Bashkësia Fetare Islame hapi paralelen e tretë për vajza, në Gostivar. Në fillim u pranua vetëm një klasë me 20 nxënëse.

Nga viti shkollor 2009/10 u pranuan dy klasa në vit, dhe numri i përgjithshëm i nxënëseve në këtë paralele arriti në 132. Në vitin shkollor 2012/13 paralelja nxori gjeneratën e dytë të maturanteve.

Shtip

djem
Që nga
2005/06
Nxënës
57
Gjuha e mësimit
turqisht, maqedonisht
Akomodimi
Me konvikt

Për të forcuar vlerat fetare islame te myslimanët e Maqedonisë Lindore, dhe për shkak të mungesës së kuadrove në këtë anë, Bashkësia Fetare Islame vendosi të hapë edhe këtu një paralele për djem. Mësimi i rregullt filloi në vitin shkollor 2005/06.

Numri i përgjithshëm i nxënësve në këtë paralele arrin në 57. Për dallim nga paralelet e tjera, mësimi zhvillohet në gjuhën turke dhe maqedonase. Paralelja ka konvikt. Në vitin shkollor 2012/13 këtu diplomoi gjenerata e pestë.