Historiku

"Medreseja Isa Beu" vazhdon traditën e medresesë së dikurshme me të njëjtin emër, të themeluar në shekullin XV. Ajo mban emrin e themeluesit të saj, Isa Beut, i biri i Is'hak Beut, serhat muhafizit — mbrojtësit të njohur të Shkupit. Nga Vakëfnameja e Isa Beut mësojmë se përveç medresesë ai themeloi edhe bibliotekën dhe xhaminë që mbajnë edhe sot emrin e tij.

• Shekulli XV

  Themelimi i medresesë me ardhjen e osmanëve në këto troje. Në të kaluarën ajo përfaqësoi institucionin më të lartë arsimor në vend dhe njihej si shkolla më me famë në Rumeli.

• 1475

  Ndërtohet Xhamia e Isa Beut, një nga xhamitë më të bukura të Shkupit.

• 1689

  Ndërprerja e parë e punës, kur gjenerali austriak Pikolomini me ushtrinë e tij dogji Shkupin. Gërmadhat e mureve u ruajtën deri në fillim të Luftës së Dytë Botërore.

• 1932 – 1936

  Me iniciativën e prijësve fetarë dhe intelektualëve të kohës, medreseja rindërtohet. Në vitin 1936 krijohen kushtet për punë të rregullt, programi reformohet dhe shkolla fiton statusin e shkollës së mesme.

• Pas Luftës së Dytë Botërore

  Puna ndërpritet përsëri për një kohë të gjatë.

• 1979

  Bashkësia Islame merr vendimin për rindërtimin e medresesë.

• 15 tetor 1984

  Në objektin e ri në fshatin Kondovë fillon procesi edukativo-arsimor, me vitin shkollor 1984/85.

Paralelet

Kampusi

Medreseja me ndërtesat përreth, pa llogaritur paralelet e shtrira, përfshin një sipërfaqe prej rreth 7.000 m². Kompleksi përbëhet nga godina shkollore, konvikti dhe kuzhina me restorantin. Në godinën e shkollës qendrore gjenden tetë mësojtore, dy kabinete gjuhësh, kabineti i informatikës, mesxhidi, biblioteka dhe zyrat e administratës, ndërsa konvikti ka 53 dhoma me kapacitet për 214 nxënës.

Mësimi dhe stafi

Gjatë shkollimit katërvjeçar nxënësit ndjekin 30 lëndë. Si gjuhë amtare mësohen shqipja, maqedonishtja dhe turqishtja; arabishtja mësohet si gjuhë profesionale dhe anglishtja si gjuhë e huaj.

Plan-programin mësimor në të gjitha paralelet, duke përfshirë ato rajonale në Shkup, Tetovë, Gostivar dhe Shtip, e realizojnë 75 profesorë në marrëdhënie të rregullt pune dhe 25 me kontratë në vepër dhe honorar — gjithsej 100 mësimdhënës. Krahas tyre, rreth 32 punonjës të personelit teknik përkujdesen për mirëmbajtjen e godinës së shkollës, konviktit dhe kuzhinës.

Medreseja në shifra

Të dhënat e regjistrimit i referohen vitit shkollor 2012/13; të dhënat kumulative i referohen periudhës 1984 – 2011/12.