- Info: Që nga viti 1984
- Numri: +389 (2) 2058 540
- Email: medreseja-isabeu@hotmail.com
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Më datë 1 shtator 2025, me rastin e fillimit të vitit të ri shkollor 2025/2026, Kryetari i Bashkësisë Fetare Islame në Republikën e Maqedonisë së Veriut, Reisul Ulema H. Hfz. Shaqir ef. Fetai, realizoi një vizitë zyrtare në Medresenë e mesme “Isa Beu” në Shkup.
Në këtë vizitë të rëndësishme, Reisi ishte i shoqëruar nga Sekretari i Përgjithshëm i BFI-së, H. Irsal Jakupi, Shefi i Kabinetit, Dr. Abdulkerim Iseni, si dhe drejtorë të sektorëve të Rijasetit të BFI-së.
Delegacioni u prit përzemërsisht nga Drejtori i Medresesë, Dr. Islam Islami, së bashku me stafin edukativo-arsimor dhe administrativ të këtij institucioni arsimor me traditë.
Me këtë rast, Reisul Ulema përshëndeti stafin pedagogjik dhe nxënësit, duke i uruar për fillimin e vitit të ri shkollor. Në mënyrë të veçantë, ai uroi mirëseardhje nxënësve të rinj të vitit të parë, të cilët i vizitoi në dy paralelet e sapoformuara. Gjatë takimit me ta, Reisi mbajti një fjalim motivues, duke theksuar rëndësinë e dijes, edukimit fetar dhe përkushtimit në rrugën e Islamit.
Në fjalën e tij, ai theksoi rolin jetik që luajnë medresetë në formimin moral, shpirtëror dhe arsimor të gjeneratave të reja, si dhe përkushtimin e BFI-së për të ruajtur dhe avancuar cilësinë e arsimit islam në vend.
Vizita u përmbyll me një atmosferë të ngrohtë dhe frymë bashkëpunimi, ku u diskutuan edhe sfidat dhe objektivat për vitin shkollor që sapo ka filluar.
