- Info: Që nga viti 1984
- Numri: +389 (2) 2058 540
- Email: medreseja-isabeu@hotmail.com
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Me rastin e fillimit të vitit të ri shkollor, Drejtori i Medresesë Isa Beu, Dr. Islam Islami, nën udhëheqjen e Reisul Ulemasë, h. hfz. Shaqir ef. Fetahu,i cili u shoqërua nga shefi i kabinetit dr. Abdulkerim Iseni, dhe drejtorët e sektorëve të ndryshme të B.F.I-së, realizuan një vizitë në paralelen e vajzave në Shkup. Qëllimi i kësaj vizite ishte që t’u urohet nxënëseve fillimi i vitit të ri shkollor dhe t’u dëshirohet suksese në rrugëtimin e tyre arsimor dhe edukativ.
Të pranishmit u mirëpritën ngrohtësisht nga koordinatorja e kësaj paralele mr. Nurtene Shehu Sakipi si dhe nga i gjithë stafi edukativo-arsimor.
Në fjalën e tij, drejtori Dr. Islam Islami përshëndeti koordinatoren, profesoreshat dhe nxënëset, duke uruar një vit të mbarë dhe të suksesshëm. Ai gjithashtu falënderoi Reisul Ulemanë për përkrahjen e parezervë që i jep Medresesë Isa Beu dhe zhvillimit të saj.
Ndërsa në fjalën e tij, Reisul Ulema h. hfz. Shaqir ef. Fetahu, përshëndeti të pranishmit dhe theksoi rëndësinë e dijes dhe arsimit të mirëfilltë. Ai potencoi se jemi shumë të lumtur që gjeneratat e reja të medresanteve vazhdojnë mësimet e tyre në përputhshmëri me planprogramin e akredituar, duke e quajtur këtë një moment historik për BFI-në, Medresenë Isa Beu, nxënësit dhe mbarë besimtarët.
Me këtë vizitë, u theksua edhe një herë se Medreseja Isa Beu mbetet një vatër e fortë e dijes dhe edukimit, ku gjeneratat e reja rriten me vlera të larta morale dhe akademike.
