- Info: Që nga viti 1984
- Numri: +389 (2) 2058 540
- Email: medreseja-isabeu@hotmail.com
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Me ftesë të dekanit të FSHI-së, prof. dr. Abdulxhemil Nesimi, dhe nën udhëheqjen e Reisul Ulemasë h. hfz. Shaqir ef. Fetahu, drejtori i Medresesë Isa Beu mori pjesë në ceremoninë solemne të shënimit të fillimit të vitit të ri akademik 2025-2026 në Fakultetin e Shkencave Islame në Shkup.
Në këtë ngjarje morën pjesë personalitete të shumta të jetës fetare e arsimore, mes tyre muftinj, drejtorë të sektorëve të BFI-së, profesorë të FSHI-së dhe të Medresesë, si dhe studentë të këtij institucioni të nderuar.
Fjalën përshëndetëse e mbajti dekani prof. dr. Abdulxhemil Nesimi, ndërsa fjalën e rastit e mbajti Reisul Ulema h. hfz. Shaqir ef. Fetahu, i cili përgëzoi studentët, në veçanti ata që nisin rrugëtimin e tyre akademik në vitin e parë, duke theksuar rëndësinë e dijes, devotshmërisë dhe përkushtimit në shërbim të fesë dhe kombit.
Ne shenjë respekti Dekani prof.dr.Abdulxhemil Nesimi, i dhuroi drejtorit dr. Islam Islami një përmbledhje të punimeve te Fakultetit të Shkencave islame.
Allahu i bekoftë studentët dhe profesorët me sukses, dritë dhe frymëzim në këtë vit të ri akademik!
