Prof. Ferdi Iseni ka lindur më 28 Tetor 1987 në Shkup. Shkollimin fillor e kreu në Shkollën Fillore “Qirili dhe Metodi” në fshatin Straçincë – Shkup, në periudhën 1995–2002, ndërsa arsimin e mesëm e përfundoi në Medresenë “Isa Beu” në Shkup, gjatë viteve 2002–2006.
Studimet universitare i vazhdoi në Fakultetin e Shkencave Islame në Shkup, ku studioi në periudhën 2006–2010. Paralelisht kreu edhe studimet në Fakultetin Ekonomik, drejtimi Financa – Kontabiletet pranë Universitetit Shtetëror të Tetovës, në periudhën 2007–2010.
Veprimtarinë dhe kontributin e tij fetar e filloi qysh si nxënës gjatë muajit të Ramazanit në vitin 2006, duke shërbyer si imam në diasporë, kryesisht në Zvicër. Përgjatë viteve ka ushtruar detyrën e imamit në shumë xhami dhe qytete të ndryshme zvicerane, ndër to: Wil, Appenzell, Langenthal, Aarburg, Basel, Dietikon, Baden-Gebensdorf, Lugano, etj. Këtë angazhim e vazhdoi deri në vitin 2023, duke dhënë kontribut të vazhdueshëm në jetën fetare dhe edukative të bashkatdhetarëve në diasporë.
Nga 1 Shkurti i vitit 2024 është i punësuar në SHAM “Medreseja Isa Beu” – Shkup, në cilësinë e udhëheqësit të financave (Kontabilist).
Ferdi Iseni zotëron aftësi të mira në disa programe kompjuterike, gjithashtu flet gjuhën shqipe si gjuhë amtare, si dhe gjuhën turke dhe maqedonase.