- Info: Që nga viti 1984
- Numri: +389 (2) 2058 540
- Email: medreseja-isabeu@hotmail.com
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
,,Pas çdo vështirësie vjen lehtësimi” Kur’an 94:6
Edhe pse ishin ndoshta 4 vite mjaft të gjata dhe të shoqëruar me lodhje, mund e sakrificë, sot më datë 24.06.2025 (e Martë), në mënyrë solemne u bë ndarja e diplomave për maturantët/et e Medresesë ‘’Isa Beu’’ Shkup, diploma të cilat vërtetojnë punën, mundin e dhënë dhe arritjen e suksesit të nxënësve-eve gjatë viteve në Medrese.
Programi i moderuar nga Sekretari, Prof. Avni Neziri, filloi me një ashere të lexuar nga nxënësi Hfz. Berin Çajani, ku më pas fjala përshëndetëse i takoi Drejtorit Dr. Islam Islami, i cili pasi përshëndeti të pranishmit, i uroi nxënësit për arritjet e tyre deri në diplomim në këtë vatër të arsimit dhe edukimit, ndërsa fjalë rasti pati Reisul Ulema H. Hfz. SHaqir ef. Fetahu, i cili përshëndeti të pranishmit, uroi të diplomuarit për arritjet e tyre, duke theksuar se modeli i një Medresanti është unik, si në dije, edukatë, mirësjellje dhe veprim, dhe se ky është modeli që i mungon Shoqërive të shumta të cilët në aspektin arsimorë, ekonomik, teknologjik dhe Shoqërorë janë të përparuar, ndërsa kan mungesë të madhe morale dhe shpirtërore.
Ndarja e diplomave u bë në objektin e SHMI Medreseja ‘’Isa Beu’’ në Shkup, ku prezent ishin një numër i madh i nxënësve dhe prindërve, ndërsa këtë solemnitet e begatoi edhe më shumë prezenca e kreut më të lartë të BFI në RMV, Reis Ul-Ulema H. Hfz. Shaqir ef. Fetahu, Dekani i F.SH.I-së, Prof. Dr. Abdulxhemil ef. Nesimi, Muftiu i Tetovës Dr. Srlver Xhemaili, Muftiu i Gostivarit Sabaudin ef. Zendeli, Prodekani Dr. Ziber Lata, Drejtorë të sektoreve pranë Bashkësisë Fetare Islame, Koordinatorët e paraleleve të shtrira te Medresesë si ajo e Shkupit, i Tetovës, i Gostivarit dhe paraleles në Shtip.
Në fund së bashku me diplomat, u shpërndanë edhe komplet librash ,, Zani i nalt” për nxënësit më të mirë të gjeneratës:
Ne Qendër – nxënësi Ramazan Aliti
Paralelja e vajzave Shkup – Sara Demiri
Paralelja e vajzave Tetovë- Rufije Sulejmani
Paralelja e vajzave Gostivar- Hadise Bilalli
Paralelja e djemve Shtip – Suahan Arifovski
Vlen të potencojmë se Medreseja këtë vit ka përcjellë maturantë, të cilët në të ardhmen do të jenë në shërbim të jetës fetare e kombëtare të shoqëris në përgjithësi, e komunitetit Musliman në veçanti
Medreseja Isa Beu, si Institucion i vetëm i lloit të tijë në vendin tonë, me shekuj të tërë mbyt imjorancën, me shekuj të tërë rrit vetëdijen e shoqërisë, me shekuj ngroh dhe rrezaton zemrat tona me edukatë, dije të mirëfilltë Islame dhe moral të lartë.
Lusim All-llahun e Madhëruar që të diplomuarve, të ju jep shëndet dhe suksese të shumta në jetë.
Urime !
