Nxënësi i Medresesë Isa Beu, njëherazi përfaqësues i Bashkësisë Fetare Islame të RMV-së, Isam Dalipi, ka arritur të shpallet fitues i vendit të parë në kategorinë “Pesë Xhuz’ë” në edicionin e 31-të të Garave Ndërkombëtare Kur’anore, të mbajtura në Zagreb të Kroacisë.
Në këtë garë prestigjioze, ku morën pjesë 60 garues nga 31 shtete të ndryshme, nxënësi ynë, Isam Dalipi, arriti të kurorëzojë angazhimin dhe përkushtimin e tij me këtë sukses të madh.
Ky rezultat i jashtëzakonshëm përbën krenari për shkollën tonë, Bashkësinë Fetare Islame të RMV-së, si dhe për mbarë besimtarët e vendit.
Drejtoria e Medresesë, në krye me drejtorin dr. Islam Islami, përgëzon dhe uron nxënësin Isam Dalipi për këtë arritje madhështore, duke shpresuar në shum suksese tjera në të ardhmen.
Ky sukses është një dëshmi e qartë e përkushtimit të palodhshëm të profesorëve tanë për lartësimin e Kur’anit Fisnik, për bukurinë e leximit të tij dhe për praktikimin e udhëzimeve të shenjta në jetën e përditshme.
Fituesi i garës, përveç angazhimeve mësimore, është duke kryer hifzin nën udhëheqjen e profesor-it të Kiraetit, hfz. Seid Imeri.
COMMENTS