• E hënë – e premte, 7:30 – 13:30
Na ndiqni:
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.

STUDENTËT E FAKULTETIT TË STUDIMEVE ISLAME TË SARAJEVËS NË VIZITË NË MEDRESENË “ISA BEU” NË SHKUP

Më datë 24 shtator 2025, studentët e Fakultetit të Studimeve Islame të Universitetit të Sarajevës vizituan Medresenë “Isa Beu” në Shkup. Ata u pritën përzemërsisht nga drejtori i medresesë, Dr. Islam Islami, së bashku me stafin pedagogjik dhe administrativ.
Gjatë qëndrimit, studentët u njohën më nga afër me historikun dhe veprimtarinë e medresesë, si dhe vizituan hapësirat e saj, përfshirë bibliotekën, klasat dhe ambientet e tjera mësimore. Ata gjithashtu morën pjesë në një orë mësimore, ku patën mundësinë të vëzhgojnë nga afër procesin edukativo-arsimor dhe të bashkëbisedojnë me nxënës e mësimdhënës.
Kjo vizitë u vlerësua si një përvojë e vlefshme për shkëmbim njohurish dhe forcim të lidhjeve ndërmjet institucioneve arsimore islame në rajon!
  

© Medreseja Isa Beu