- Info: Që nga viti 1984
- Numri: +389 (2) 2058 540
- Email: medreseja-isabeu@hotmail.com
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Më 21.02.2026 (e shtunë), me përkushtim dhe ndjenjë të lartë përgjegjësie, filloi zyrtarisht praktika e Ramazanit për nxënëset e Medreseja Isa Beu – Paralelja e Vajzave, Gostivar, duke nisur me ligjëratë fetare në Xhaminë e Mahallës – Gostivar, në bashkëpunim me Myftininë e Gostivarit.
Kjo praktikë është pjesë integrale e planprogramit mësimor dhe synon që nxënëset, përveç përgatitjes teorike, të zhvillojnë aftësitë e komunikimit me publikun, prezantimin e dijes së fituar dhe angazhimin aktiv në jetën fetare të komunitetit. Ajo që mësohet në klasë, sot u prezantua me dinjitet para xhematit.
Ligjërimin e realizuan:
Prof. Azra Sheapi (Teologe),
Zijade Pajaziti (Nxënëse e Medresesë),
Suejla Beqiri (Nxënëse e Medresesë).
Përmes këshillave, reflektimeve dhe mesazheve të Ramazanit, ato përcollën tek të pranishmit vlera besimi, edukate dhe përgjegjësie, duke dëshmuar seriozitetin e formimit shpirtëror dhe profesional që ofron institucioni ynë.
Praktika e Ramazanit do të vazhdojë gjatë këtij muaji në xhami të ndryshme në territorin e Myftinisë së Gostivarit, duke forcuar lidhjen mes Medresesë dhe besimtarëve.
Lusim Allahun e Madhëruar që këtë angazhim ta pranojë si vepër të mirë, t’u shtojë nxënëseve tona dituri e sinqeritet dhe ta bëjë këtë Ramazan muaj bereqeti dhe afrimi me Të.
