Më 24.02.2026 (e martë), filloi zyrtarisht praktika e Ramazanit për nxënëset e SHAM ,,MEDRESEJA ISA BEU” – Paralelja e Vajzave në Shkup, në një frymë përkushtimi dhe përgjegjësie të lartë, në bashkëpunim me Myftininë e Shkupit.
Programi filloi me një ashere të Kur’anit nga nxënësja Adisa Memedi, më pas u interpretuan ilahi nga kori i Medresesë.
Fjalë përshëndetëse mbajti mualimja e xhamisë, Ajla Sherifi, ndërsa në emër të Myftinisë përshëndeti përfaqësuesja e Departamentit të Grave pranë Myftinisë, Rejhane Asani.
Fjalën e rastit e mbajti koordinatorja e Medresesë, Nurten Shehu Sakipi, ndërsa praktikën e realizuan dy nxënëset: Amra Sinani (IVa) dhe Bushra Neziri (IIIa). Moderimin e programit e bëri nxënësja Xheneta Zekiri, ndërsa në fund programi u mbyll me dua nga mualimja e xhamisë.
Nxënëset, nën udhëheqjen e profesoreshave, do të realizojnë programe të pasura me aktivitete fetare dhe edukative gjatë muajit të bekuar të Ramazanit.
Kjo praktikë paraqet një mundësi të rëndësishme për nxënëset që të zbatojnë në praktikë njohuritë e fituara gjatë shkollimit, duke kontribuar në jetën fetare dhe duke reflektuar frymën e Ramazanit përmes përkushtimit, angazhimit dhe shembullit të mirë.
COMMENTS