- Info: Që nga viti 1984
- Numri: +389 (2) 2058 540
- Email: medreseja-isabeu@hotmail.com
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Shkolla fetare “Orange Crescent School” nga Los Angeles, Orange County, realizoi një vizitë në Medresenë “Isa Beu” në Shkup.
Në këtë vizitë morën pjesë rreth 50 nxënës, të shoqëruar nga drejtoresha e shkollës, disa profesorë dhe profesoresha, si dhe disa prindër të nxënësve.
Në ambientet e medresesë, mysafirët u pritën nga sekretari i Medresesë “Isa Beu”, prof. Avni Neziri, i cili, në emër të drejtorit Dr. Islam Islami, i falënderoi për vizitën dhe interesimin e treguar ndaj këtij institucioni arsimor dhe fetar. Me këtë rast, sekretari para mysafirëve prezantoi historikun e Medresesë “Isa Beu”, zhvillimin e saj ndër vite, misionin dhe vizionin institucional, si dhe procesin edukativo-arsimor që zhvillohet në këtë institucion, duke vënë theks të veçantë në formimin fetar, moral dhe akademik të nxënësve.
Gjatë vizitës së tyre, mysafirët patën mundësinë të vizitojnë hapësirat e medresesë, duke përfshirë klasat mësimore, mesxhidin, konviktin dhe restorantin, si dhe të njihen nga afër me jetën edukative, shpirtërore dhe me traditë shumëvjeçare.
