- Info: Që nga viti 1984
- Numri: +389 (2) 2058 540
- Email: medreseja-isabeu@hotmail.com
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Më 03.02.2026, nxënësit e SHAM “MEDRESEJA ISA BEU”, të udhëhequr nga Sekretari prof. Avni Neziri, Punëdrejtuesi prof. Mervan Muhamedi, koordinatorja e paraleles së vajzave në Shkup, si dhe profesoresha nga paraleljet e vajzave në Tetovë dhe Gostivar, realizuan një vizitë studimore në Universitetin Ballkanik në Shkup.
Me këtë rast, u prezantua projekti me titull
“Përgatitja për të Ardhmen: Menaxhimi i Ankthit & Zgjedhja e Karrierës së Duhur – Workshop”,
i prezantuar nga profesoreshat e këtij universiteti.
Projekti është i dedikuar për maturantët që synojnë të regjistrohen në fakultet dhe ka për qëllim uljen e ankthit për të ardhmen, identifikimin e pikave të forta personale dhe udhëzimin drejt zgjedhjes së karrierës, bazuar në kritere të shëndetshme dhe shkencore. Përmes ndërveprimit të drejtpërdrejtë me nxënësit, workshop-i theksoi gjithashtu ekspertizën akademike dhe shërbimet mbështetëse për studentët që ofron Universiteti Ballkanik.
Kjo vizitë ishte një mundësi shumë e mirë që nxënësit të njihen më nga afër me kushtet, programet dhe mundësitë akademike që ofron ky universitet për vazhdimin e studimeve.
Në emër të drejtorit dr. Islam Islami, Sekretari i Medresesë falënderoi përfaqësuesit e Universitetit Ballkanik për mikpritjen dhe për mundësinë e bashkëpunimit ndërinstitucional.
Në fund, për të gjithë pjesëmarrësit u ndanë certifikata pjesëmarrjeje.
