Më 30.01.2026, në Medresenë Isa Beu – paralelja e vajzave në Shkup, u realizua një projekt nga nxënëset e klasave II a dhe II b në lëndën e Historisë Islame, nën udhëheqjen e prof. Nehal Ibrahimi, me titullin:
“Gjurmët që la Islami në Andaluzi”
Nxënëset prezantuan historikun e Andaluzisë, Xhaminë e Madhe të Kordobës, Pallatin Alhambra, si dhe Seviljen – nusen e Andaluzisë, duke theksuar kontributin e madh të qytetërimit islam në zhvillimin e dijes, kulturës, arkitekturës dhe qytetërimit.
Një vëmendje e veçantë iu kushtua edhe rolit të grave të arsimuara në Andaluzi, të cilat dhanë kontribut të rëndësishëm në ngritjen e dijes dhe kulturës, veçanërisht në poezi, letërsi, gjuhë dhe studime fetare, si: Lubna e Kordobës, Wallada bint al-Mustakfi dhe Aisha bint Ahmad al-Qurtubiyya.
Projektin e përshëndeti edhe koordinatorja mr. Nurten Shehu Sakipi, e cila ndau disa fjalë mbi rëndësinë historike të Andaluzisë dhe mesazhet e saj për brezat e sotëm.
Në këtë aktivitet ishin të pranishme edhe profesoreshat e medresesë.
Përgëzime nxënëseve për punën, përkushtimin dhe prezantimin e shkëlqyer, si dhe profesoreshës për udhëheqjen profesionale dhe mbështetjen e vazhdueshme!
COMMENTS