- Info: Që nga viti 1984
- Numri: +389 (2) 2058 540
- Email: medreseja-isabeu@hotmail.com
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Më 17 Shtator u zhvillua një takim pune ndërmjet drejtorit të SHAM “Medreseja Isa Beu” – Shkup, Dr. Islam Islami, dhe zëvendësministrit të Arsimit dhe Shkencës të Republikës së Maqedonisë së Veriut, z. Driton Sulejmani.
Gjatë takimit u diskutua për çështje me rëndësi për funksionimin dhe zhvillimin e mëtejmë të SHAM “Medreseja Isa Beu”, si dhe për mundësitë e thellimit të bashkëpunimit ndërmjet institucionit arsimor dhe Ministrisë së Arsimit dhe Shkencës.
Në veçanti, u bisedua për avancimin e procesit edukativo-arsimor, përmirësimin e kushteve për nxënësit dhe mësimdhënësit, zhvillimin e kapaciteteve të shkollës, si dhe për çështje administrative dhe institucionale që kanë të bëjnë me arsimin e mesëm.
Drejtori Dr. Islam Islami e falënderoi zëvendësministrin Sulejmani për gatishmërinë për bashkëpunim dhe për mbështetjen institucionale, duke shprehur pritshmërinë që komunikimi dhe bashkëpunimi i ndërsjellë të vazhdojë edhe në të ardhmen, në interes të nxënësve dhe të avancimit të arsimit.
Takimi u zhvillua në frymë konstruktive dhe me përkushtim të përbashkët për forcimin e bashkëpunimit institucional dhe krijimin e kushteve sa më të mira për zhvillimin e arsimit dhe edukimit të brezave të rinj.
