- Info: Që nga viti 1984
- Numri: +389 (2) 2058 540
- Email: medreseja-isabeu@hotmail.com
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Vizitë e përfaqësuesve të Institutit “Yunus Emre” në Medresenë “Isa Beu “- paralelja e vajzave Shkup
Më datë 10.09.2025, Medreseja” Isa Beu “– paralelja e vajzave në Shkup, pati nderin të mirëpresë dy përfaqësues të Institutit “Yunus Emre”: znj. Rabija Rushiti dhe z. Sulejman Gina, mësimdhënës dhe bashkëpunëtorë të këtij institucioni.
Gjatë vizitës së tyre, mysafirët u pritën nga koordinatorja mr. Nurten Shehi Sakipi dhe stafi arsimor i medresesë.
Znj. Rabija Rushiti dhe z. Sulejman Gina prezantuan kursin e gjuhës turke, i cili u ofron të rinjve që janë të interesuar të mësojnë këtë gjuhë të rëndësishme nga aspekti kulturor, akademik dhe profesional. Ata informuan nxënësit mbi strukturën e kursit, nivelet që ofrohen, metodat e mësimdhënies dhe mundësitë që hap njohja e gjuhës turke, përfshirë edhe vizita në Turqi.
Nxënësit e Medresesë “Isa Beu” treguan interes të veçantë për këtë mundësi, duke shtruar pyetje dhe duke u angazhuar aktivisht në diskutim. Atmosfera e krijuar gjatë takimit reflektoi vlerat e përbashkëta të dijes, dialogut dhe bashkëpunimit ndërmjet dy institucioneve.
Vizita u vlerësua si një hap i rëndësishëm drejt forcimit të marrëdhënieve arsimore dhe kulturore ndërmjet Medresesë Isa Beu dhe Institutit “Yunus Emre”, me qëllim nxitjen e zhvillimit personal dhe profesional të të rinjve tanë.
