- Info: Fillon 1 Shtator
- Numri: +389 (2) 2058 540
- Email: medreseja-isabeu@hotmail.com
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Më 19.05.2026 në ambientet e SHAM “Medreseja Isa Beu” – Paralelja e Vajzave, Gostivar, u organizua ceremonia solemne e përcjelljes së Gjeneratës së XV, një ngjarje e mbushur me emocione, krenari dhe mirënjohje për rrugëtimin e suksesshëm të maturanteve tona.
Në këtë manifestim të rëndësishëm morën pjesë edhe personalitete të larta fetare dhe arsimore, mes tyre Reisul Ulema i BFI-së H. Hfz. Shaqir ef. Fetai, Myftiu i Gostivarit H. Sabahudin ef. Zendeli, si dhe drejtori i SHAM “Medreseja Isa Beu”, Dr. Islam Islami, të cilët me fjalët dhe mesazhet e tyre përgëzuan maturantet për sukseset, përkushtimin dhe vlerat që kanë dëshmuar gjatë viteve të shkollimit.
Gjenerata e XV largohet nga bankat e Medresesë duke lënë pas kujtime të bukura, suksese të shumta dhe gjurmë krenarie në historinë e shkollës sonë. Ato sot nuk marrin vetëm një diplomë, por bartin me vete amanetin e dijes, edukatës, moralit dhe shërbimit ndaj shoqërisë.
Lusim Allahun e Madhëruar që t’i udhëzojë dhe t’i begatojë në çdo hap të jetës së tyre, duke i bërë ambasadore të dijes, besimit dhe vlerave të larta njerëzore.
Urime Gjenerata e XV!
Suksese dhe rrugëtim të ndritur në etapën e re të jetës!
Leave Your Comments