- Info: Që nga viti 1984
- Numri: +389 (2) 2058 540
- Email: medreseja-isabeu@hotmail.com
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Më 25 dhe 26 shtator 2026, në Zagreb të Kroacisë, po zhvillohen Garate Kur’anore Ndërkombëtare, edicioni i 32-të, të organizuara nga Meshihati i Bashkësisë Islame të Kroacisë.
Në këto gara prestigjioze ndërkombëtare, Bashkësinë Fetare Islame të Republikës së Maqedonisë së Veriut e përfaqësojnë dy nxënës të SHAM “Medreseja Isa Beu” – Shkup, të cilët marrin pjesë në dy kategori të ndryshme të garave të hifzit.
Në kategorinë e hifzit të 15 xhuzëve të Kur’anit Fisnik, merr pjesë Hfz. Sali Ebipi, nxënës i vitit të katërt, ndërsa në kategorinë e hifzit të tërë Kur’anit Fisnik, merr pjesë Hfz. Adis Gashi, nxënës i vitit të tretë.
Delegacionin e Bashkësisë Fetare Islame të RMV-së në këto gara e udhëheq Drejtori i Sektorit Fetaro-Arsimor, Mr. Fejzulla Sadiki, në cilësinë e përfaqësuesit të Reisul Ulemasë, H. Hfz. Shaqir ef. Fetai.
Pjesëmarrja e nxënësve të Medresesë “Isa Beu” në këtë eveniment ndërkombëtar përbën një mundësi të veçantë për të dëshmuar përgatitjen e tyre në fushën e mësimit dhe ruajtjes së Kur’anit Fisnik, si dhe për të përfaqësuar denjësisht Bashkësinë Fetare Islame të RMV-së dhe SHAM “Medreseja Isa Beu”.
Drejtoria e Medresesë “Isa Beu” në krye me Drejtorin Dr. Islam Islami u uron hafizëve suksese, përfaqësim të denjë dhe rezultate të mira në këto gara, duke u lutur që Allahu i Madhërishëm t’ua lehtësojë garimin dhe t’i begatojë në rrugën e diturisë dhe të shërbimit ndaj Kur’anit Fisnik.
