- Info: Që nga viti 1984
- Numri: +389 (2) 2058 540
- Email: medreseja-isabeu@hotmail.com
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Maturantet e SHAM ,,Medreseja Isa Beu” – Paralelja e Vajzave në Shkup, realizuan me sukses një ekskursion edukativo-kulturor në Stamboll, të shoqëruara nga kujdestaret e tyre, prof. Hyrijete Gajni Kadri dhe prof. Resmije Xhaferi Sait.
Gjatë qëndrimit në këtë qytet historik, maturantet vizituan disa prej xhamive, monumenteve dhe vendeve më të rëndësishme historike e kulturore të Stambollit. Në kuadër të programit u përfshinë Xhamia Çamlıca, Xhamia e Sulltan Ahmedit, Aya Sofya dhe Xhamia Eyüp Sultan, si dhe Kulla e Vajzës (Kız Kulesi), Kulla e Gallatës, lagjja historike Balat dhe sheshet Beyazıt, Üsküdar, Eminönü e Taksim. Gjithashtu, maturantet vizituan edhe Pierre Loti, duke shijuar pamjen panoramike të qytetit.
Pjesë e veçantë e programit ishte lundrimi në Bosfor, i cili u mundësoi nxënëseve të përjetonin bukuritë e Stambollit nga një këndvështrim tjetër. Gjatë ekskursionit, ato vizituan edhe pazarin historik Kapalı Çarşı, si dhe qendrat tregtare 212 dhe Aqua Florya.
Ky udhëtim u ofroi maturanteve mundësinë të njiheshin nga afër me historinë, kulturën, arkitekturën dhe trashëgiminë islame të Stambollit. Njëkohësisht, ekskursioni kontribuoi në forcimin e miqësisë, bashkëpunimit dhe solidaritetit mes tyre, duke u dhuruar përvoja të vlefshme dhe kujtime të bukura.
Për realizimin me sukses të këtij ekskursioni, shprehim mirënjohjen tonë për koordinatorin e Medresesë “Isa Beu” – Paralelja e Vajzave në Shkup, prof. Muharem Loki, si dhe për drejtorin e Medresesë “Isa Beu” në Shkup, dr. Islam Islamin, për përkrahjen dhe angazhimin e tyre.
Postime të ngjashme
29 Tetor 2026
DREJTORI I MEDRESESË „ISA BEU“, DR. ISLAM ISLAMI, MORI PJESË NË KONFERENCËN NDËRKOMBËTARE SHKENCORE „MEDRESET NË TROJET SHQIPTARE – HISTORI, TRASHËGIMI, KONTRIBUT“
20 Tetor 2026
NJË HAP I RËNDËSISHËM DREJT NDËRTIMIT TË SALLËS SË SPORTIT NË MEDRESENË „ISA BEU“ – KONDOVË
16 Tetor 2026
EKSKURSION EDUKATIVO-ARSIMOR NË STRUGË DHE OHËR