“Vertet,te Allahu jemi,dhe padyshim,tek Ai do te kthehemi”
Më 13 dhjetor 2014, ndërron jetë nxënësja, Bejtile Qaili nga Kumanova. Pas një sëmundjeje të rëndë në të cilën ndodhej tash e disa muaj, ka ndërruar jetë në Qendrën Klinike Univerzitare, në Shkup. Lajmin e morëm nga familjarët e saj, se kjo ndërroi jetë në ditën e shtunë. Varrimi i të ndjerës u bë në fshatin e saj të lindjes, në Sllupçan, pas namazit të iqindisë. Në varrim ishin të pranishëm, drejtori i Medresesë Isa Beu, prof.Ibrahim Idrizi, profesorë, profesoresha, nxënëse si dhe një numër i madh i familjarëve, dashamirëve nga të gjitha viset e Maqedonisë. Pas përcjelljes së saj për në banesën e fundit, në shtëpinë e saj, u mbajt një program nga stafi i Medresesë Isa Beu, në të cilën u kënduan pjesë nga Kur’ani Famëlartë, dhe recitale të ndryshme. Gjithashtu edhe në ceremoninë e varrimit, drejtori Ibrahim Idrizi ka mbajtur fjalim dhe njëkohësisht u shprehi ngushëllime familjarëve për humbjen e madhe të vajzës së tyre.
Lusim All-llahun e Plotfuqishem ta shpërblen me Xhennetin Firdaus. Amin